ಕಾಶಿ ವಿಶ್ವನಾಥನ ದರ್ಶನ ಮಾಡಬೇಕು, ಅಯೋಧ್ಯೆಯ ಶ್ರೀರಾಮನ ಜನ್ಮಭೂಮಿಗೆ ಭೇಟಿ ನೀಡಬೇಕು ಎಂಬ ಆಸೆ ನಿಮಗಿದೆಯೇ? ಹಾಗಿದ್ದರೆ ಅಡಿಗಾಸ್‌ ಯಾತ್ರಾದ ವಿಶೇಷ ಅಯೋಧ್ಯಾ-ಕಾಶಿ ಪ್ರವಾಸ ಪ್ಯಾಕೇಜ್ ನಿಮಗಾಗಿ. 4 ದಿನಗಳ ಈ ಪ್ರವಾಸದಲ್ಲಿ ದೇಶದ ಎರಡು ಪ್ರಮುಖ ಪುಣ್ಯಕ್ಷೇತ್ರಗಳಾದ ಅಯೋಧ್ಯೆ ಮತ್ತು ಕಾಶಿಯ ದರ್ಶನ ಪಡೆಯಬಹುದು. ಇದರ ಜೊತೆಗೆ ವಾರಣಾಸಿ, ಸಾರನಾಥ ಸೇರಿದಂತೆ ಹಲವು ಧಾರ್ಮಿಕ ಹಾಗೂ ಐತಿಹಾಸಿಕ ಸ್ಥಳಗಳಿಗೆ ಭೇಟಿ ನೀಡುವ ಅವಕಾಶವೂ ಇದೆ.
ಅಯೋಧ್ಯೆಯಲ್ಲಿ ಭವ್ಯವಾಗಿ ನಿರ್ಮಾಣಗೊಂಡಿರುವ ಶ್ರೀರಾಮ ಮಂದಿರ ಭಕ್ತರ ಪ್ರಮುಖ ಆಕರ್ಷಣೆಯಾಗಿದೆ. ಶ್ರೀರಾಮನ ದರ್ಶನ ಪಡೆದು, ರಾಮಜನ್ಮಭೂಮಿಯ ಪವಿತ್ರ ವಾತಾವರಣವನ್ನು ಅನುಭವಿಸಬಹುದು. ಇನ್ನು ಕಾಶಿಯಲ್ಲಿ ವಿಶ್ವಪ್ರಸಿದ್ಧ ಕಾಶಿ ವಿಶ್ವನಾಥ ದೇವಾಲಯಕ್ಕೆ ಭೇಟಿ ನೀಡಿ ಶಿವನ ದರ್ಶನ ಪಡೆಯಬಹುದು. ಗಂಗಾ ನದಿಯ ತೀರದಲ್ಲಿ ನಡೆಯುವ ಗಂಗಾ ಆರತಿ ಈ ಪ್ರವಾಸದ ಮತ್ತೊಂದು ವಿಶೇಷ ಅನುಭವವಾಗಲಿದೆ.
ವಾರಣಾಸಿಯ ಪುರಾತನ ಘಾಟ್‌ಗಳು, ಗಂಗಾ ನದಿಯ ಪವಿತ್ರ ತೀರ ಹಾಗೂ ಅಲ್ಲಿನ ಆಧ್ಯಾತ್ಮಿಕ ವಾತಾವರಣ ಪ್ರವಾಸಿಗರಿಗೆ ವಿಶೇಷ ಅನುಭವ ನೀಡುತ್ತವೆ. ಬೌದ್ಧ ಧರ್ಮದ ಪ್ರಮುಖ ತಾಣವಾಗಿರುವ ಸಾರನಾಥಕ್ಕೂ ಭೇಟಿ ನೀಡಬಹುದು. ಗೌತಮ ಬುದ್ಧರು ತಮ್ಮ ಮೊದಲ ಧರ್ಮೋಪದೇಶ ನೀಡಿದ ಸ್ಥಳವೆಂಬ ಹೆಗ್ಗಳಿಕೆ ಸಾರನಾಥಕ್ಕಿದೆ.
ಹೀಗೆ ಧಾರ್ಮಿಕ ಭಕ್ತಿ, ಆಧ್ಯಾತ್ಮಿಕ ಅನುಭವ ಹಾಗೂ ಭಾರತದ ಶ್ರೀಮಂತ ಇತಿಹಾಸವನ್ನು ಪರಿಚಯಿಸುವ ಈ 4 ದಿನಗಳ ಪ್ರವಾಸ ನಿಮ್ಮ ನೆನಪಿನಲ್ಲಿ ಉಳಿಯುವಂತಹ ಅನುಭವ ನೀಡಲಿದೆ.
ಅಡಿಗಾಸ್‌ ಯಾತ್ರಾದ ಅಯೋಧ್ಯಾ-ಕಾಶಿ ಪ್ರವಾಸ ಪ್ಯಾಕೇಜ್‌ನಲ್ಲಿ ಪಾಲ್ಗೊಳ್ಳಲು ಇಂದೇ ಯೋಜನೆ ರೂಪಿಸಿಕೊಳ್ಳಿ.
